Mga Epekto ng Labis na Pag-inom ng Alak

Alam nating lahat ang mga masasamang epektong naidudulot sa ating katawan ng sobrang pag-inom ng alak. Kung ang isang tao ay lubusang nalulong sa ganitong gawain, makararanas tiyak ng maraming uri ng negatibong resulta. Ang mga epektong ito ay nakasisira hindi lamang sa ating pisikal na pangangatawan bagkus ay nakaaapekto rin pati sa ating isipan, damdamin at pagkatao. Maraming sitwasyon ang nagaganap na nakakasira rin sa isang relasyon, trabaho at kabuuang buhay ng mga tao at miyembro ng pamilya. At magkaminsan, ang labis na pagkahaling sa alcohol ay nagiging dahilan ng mas malalang kondisyon gaya ng pagkakaroon ng maraming sakit at komplikasyon sa iba’t ibang internal na bahagi ng katawan na nagiging sanhi ng malagim na kamatayan ng isang nilalang.

Sa patuloy na pag-abuso ng ating katawan sa alcohol, mas magiging dependent tayo dito sasalalay ang ating buong sistema sa mga nakakasirang kemikal na unti-unting makaaapekto sa loob at labas ng ating pisikal at emosyonal na sistema. Magkakaroon ng maraming side effects at magigising na lamang tayo isang umaga na hindi na pala natin kayang itigil ang pagkakaroon ng ganitong bisyo. Malalaman natin sa ating sarili na napakahirap na nating ihinto ito sapagkat sadyang may matibay nang kinakapitan sa ating pagkatao ang nakalalasing na inumin.

Hindi maikakailang ang paghinto sa pag-inom ay sadyang mahirap para sa isang tao lalo na kung ginagawa na niya ito sa mahabang panahon. Sa pagkalulong niya sa alak ng maraming taon, nakabuo na ang sistema niya ng kaukulang pagnanasa upang ipagpatuloy araw-araw ang pag-abuso sa alcohol. At kalimitan, ang paghinto ay nagbubunga ng hindi mabilang na withdrawal symptoms na nagiging dahilan kung bakit ang isang indibidwal na ibig huminto sa pag-inom ay bumabalik muli sa kaniyang bisyo. Hindi niya makayanan ang mga epekto at ang tanging maiisip niyang gawin ay ipagpatuloy na lamang ang kanyang bisyo. Ang pagsulpot ng mga sintomas ng pagtigil sa konsumo ng alak ay nagiging isang mabigat at malakas na rason upang sumuko na sa pagbabalak na ipagpatuloy ang pagtigil. Ang mga epekto sa katawan pagkatapos ng huling pag-inom ay maaaring maging hadlang upang ganap na labanan ang addiction.

Sa ganitong pagkakataon, marapat lamang talagang pag-aralang mabuti ang mga bagay na dapat gawin kung nais na huminto sa pag-inom ng alak. Makatutulong ang pag-aaral at masusing pagbusisi sa mga dapat na gawin upang maiplanong mabuti ang paglayo sa nakaka-adik na kemikal. Ang paghimay sa mga detalye ng mga plano at ang mabuting pagsasakatuparan ng mga ito ay magiging daan upang mapagtagumpayan ang laban sa alcoholism.

At kung ang simulang bahagi ng pagtigil ay magampanan, ang isang taong may malakas na addiction sa alcohol ay makasisigurong magiging madali na ang susunod na paglalakbay. Pananatilihin na lamang ang mga unang hakbangin at katagalan ay malilimutan na ang mga bagay na tungkol sa alak at makapamumuhay na ng normal at malusog. Sa pamamagitan ng pagsunod sa mga itinakdang programa para sa mga alcoholics, magagawang maalis kahit ang pinakagrabeng bisyo sa katawan. Katulad ng iba pang mga plano, kailangan lamang ang matibay na pananalig sa Maykapal at ang malakas na motibasyon sa sarili upang maging matibay sa lahat ng mga pagsubok.

Ngunit hindi magiging madali para sa mga alcoholic ang huminto. Kinakailangan nila ang suporta na galing sa kanilang pamilya at mga kaibigan upang maipagpatuloy ang plano at programa ng paghinto. Sapat ang pagmamahal at pagkalinga ng mga mahal sa buhay upang maisip ng alcoholic na dapat na talagang putulin ang kaniyang mga bisyo. Marapat lamang na ang mga kakilala at mga kamag-anak ay manatiling nasa tabi ng isang alcoholic kung siya’y nagnanais na umalis na sa pagkaalipin ng mga bisyo at mamuhay ng isang normal at responsableng nilalang.

Mahirap mapasadlak sa lapag ng pagiging alcoholic. Hindi magiging maganda ang bunga ng pagkakalulong ditto at magkakaroon ng mga masasamang epekto sa hinaharap hindi lamang sa taong naging gumon kundi pati na rin sa mga miyembro ng pamilyang kinabibilangan at ang mga malalapit na kaibigan. Kaya nararapat lamang talagang maisip na ang paghinto na sa pag-abuso sa alcohol ay siyang pinakamagandang magagawa para sa sarili at sa lipunang ginagalawan.

Mga Hakbangin sa Pagsisimula

Ang pagtigil sa pag-inom ng alak ay madali. Kung paano mapapanatili ang pag-iwas ang mahirap. Ang mga programang inilalatag ng mga rehabilitation centers ay kalimitang nakakapagpababa ng pagkakataon na mapanatili ang iyong kalooban at kaisipan na umiwas sa iyong bisyo. Kinakailangang matutunan ang paglayo sa alak sa iyong paraan. Sa ganitong kadahilanan, mailalagay sa isip ang dapat na motivation at inspiration upang maging malakas sa tawag ng bisyo.

Sa kasalukuyang panahon, maraming mga gamot, paraan at procedures ang maaaring subukan at isakatuparan upang magamot at mapaglababan ang alcoholism. Matatagpuan ang mga ito, hindi lamang sa mga hospital at pagamutan kundi marami na ring nagsulputang mga online stores na nagbibigay ng mga libreng kosultasyon at mga tips upang maihinto ang sobrang pag-inom ng alak. Ngunit ang pinakamahalaga sa lahat, kinakailangan ng isang tao na nagnanais na makawala sa mga problemang ito sangkot ang alcohol ay ang matibay at masiglang pagnanais na maisakatuparan ang pagpapanatili na wala ang alcohol sa sistema at buhay. Kung nakarating ka na sa punto ng iyong buhay na inamin ang mga problemang ito at alam mo sa sarili mong kailangan mo ng tulong ng iba upang malabanan ang alcoholism, narito na ang iyong pagsisimula upang maging normal ang iyong pagkatao.

---Aminin sa sarili na ikaw ay may problema kung pag-uusapan ay ang alcohol. Hindi mo kinakailangan na aminin na wala kang magagawa sa ganitong sitwasyon ngunit ang pagpansin sa mga naging problema mo noong araw at ang mga suliraning kinasangkutan sa nakaraan ang makakatulong upang maamin mo sa iyong sarili ang mga bagay na ito.

----Alamin at isa-isahin ang mga taong maaaring makatulong sa iyong mga plano. Ang pagpili sa mga kaibigan at pag-iwas sa mga dating naging kasama sa pag-inom ay makatutulong upang iwasan ang alak at magbagong buhay. Paligiran ang iyong sarili ng mga taong mapagkakatiwalaan at makakatulong upang maipagpatuloy ang nasimulang mga balakin.

---Gumawa ng mga hakbangin at huwag matakot na ito’y isakatuparan. Ang pagiging bukas sa mga suhestiyon at mga opinion ng iba ay makakatulong upang ganap na matimbang ang mga gagawin. Ang mga programang natutunan sa internet ay huwag isaisantabi bagkus ay timbang-timbangin kung makakatulong sa iniisip na paghinto sa pag-inom.

----Sabihin sa mga mahal sa buhay ang iyong mga plano. Ilatag sa kanila ang mga ibig mong magawa at ang mga balak na pag-iwas sa alcohol. Sa ganitong paraan, maipadarama sa kanila at maipakikita na ikaw ay nagbago na at makakapaganyaya sa kanila upang ikaw ay tulungan nila upang maabot ang tagumapay laban sa alcoholism.

Ang alcoholism ay mapagtatagumpayan kung nakahanda kang gawin ang mga nararapat na gawain. Sikaping matutunan ang mga kinakailangang bagay at pahalagahan ang aral ng buhay upang magkaroon ng matibay at masiglang pagbabago sa iyong buhay.